Ҷаҳони варзиш ва рӯйдодҳои варзишӣ

Тоҷикистон – муддаъии роҳхат ба сабқати ниҳоӣ

Posted in Варзиш

Дар маҷаллаи «Ҷаҳони варзиш» дар бораи пирӯзии дастаи мунтахаби Тоҷикистон дар сабқати интихобии қаҳрамонии Осиё байни футболбозони то 19-сола дар Непал нақл мекунем.

Дастаи мунтахаби ҷавонони Тоҷикистон дар сабқати интихобии мусобиқаи қаҳрамонии Осиё байни футболбозони то 19-сола, ки дар пойтахти Непал – шаҳри Катманду ҷараён дорад, дар гурӯҳи «А» ҳунарнамоӣ мекунад. Футболбозони ҷавони тоҷик пас аз се даври мусобиқа бо 9 имтиёз дар садри ҷадвал қарор доранд. Тоҷикистон бар Қирғизистон бо ҳисоби 4:0, бар Фаластин бо ҳисоби 3: 0 ва бар Непал бо ҳисоби 2:1 ғалаба кард. Рақибони Тоҷикистон, инчунин, Яман ва Урдун мебошанд. Сабқати гурӯҳи «А» 4-уми ноябр ба анҷом мерасад.
Ин ҳафта Расул Боқиев, паҳлавони машҳури тоҷик, қаҳрамони Русия дар риштаи гуштии дзюдо дар соли 2009 гардид. Расул Боқиев, ки шаҳрвандии Русияро пазируфт ва дар айни ҳол дар шаҳри Маскав ба сар мебарад, дар мусобиқаи қаҳрамонии дзюдои Русия, ки дар шаҳри Налчики Кабардину Балқар баргузор шуд, дар вазни то 73 кг ҳунарнамоӣ кард.

Барандаи медали биринҷии Олимпиадаи Пекин барои аввалин бор ба унвони қаҳрамони Русия мушарраф шуд ва бо медали тилло сарфароз гашт. Вай ба Радиои Озодӣ гуфт:

Идома... Изҳори назар

Пирӯзии дастаи ҷавонони Тоҷикистон бар Непал

Posted in Варзиш

Дастаи мунтахаби ҷавонони Тоҷикистон дар сабқати интихобии мусобиқаи қаҳрамонии Осиё байни футболбозони то 19-сола бар тими мизбон - Непал бо ҳисоби 2:1 ғалаба кард.

Ин бозии даври севуми гурӯҳи «А» 29-уми октябр дар варзишгоҳи Дашрати шаҳри Катманду баргузор шуд.
Ҳисобро дар дақиқаи 11-ум бозигари мизбонон Малла Нираҷан боз кард. Нуриддин Давронов дар дақиқаи 43-юм аз пенолти ҳисобро баробар намуд. Голи ҳалкунандаро Шероз Абдуллоев дар дақиқаи 79-ум ба самар расонд.
Мунтахаби наврасони Тоҷикистон таҳти раҳбарии сармураббӣ Салоҳиддин Ғафуров бо чунин ҳайат бозӣ кард: Саидҷон Саидраҳмонов, Шероз Абдуллоев, Аҳтам Назаров, Сергей Абрамов, Расул Файзов, Шодибек Ғаффоров (Ҷамолиддин Зардиев, 86), Нуриддин Давронов, Фариз Аскаров (Руслан Раҳматов, 53), Шавкати Ҳотам (Умедҷон Шарипов, 41), Наим Улмасов, Қурбоналӣ Собиров.
Дар бозии дигари ин гурӯҳ тими Қирғизистон аз дастаи Урдун бо ҳисоби 1:2 шикаст хӯрд. Бозии дастаҳои Фаластин ва Яман бо ҳисоби 2:2 хотима ёфт.
Бад-ин тартиб дар гурӯҳи «А» дастаи Тоҷикистон бо 9 имтиёз дар ҷои аввал мебошад. Дастаи Урдун бо 7 имтиёз дуввум аст.

Идома... Изҳори назар

Медали нуқраи паҳлавони тоҷик дар сабқати ҷаҳонӣ

Posted in Варзиш

Гулподшоҳ Хайлобеков, варзишгари тоҷик, дар мусобиқаи қаҳрамонии ҷаҳон дар риштаи гуштии самбо байни устодон дар шаҳри Каунаси Литва медали нуқра ба даст овард.

Ба иттилоъи Маҳмуди Абдуллоҳ, дабири кулли Федеросиюни гуштии самбои Тоҷикистон, дар сабқати ҷаҳонӣ беш аз 200 варзишгар аз 20 кишвар ширкат доштанд.
Паҳлавони тоҷик Гулподшоҳ Хайлобеков дар вазни то 68 килограмм байни варзишгарони синнашон аз 60 то 64-сола бар гуштигирони Молдова, Юнон ва Беларус пирӯз шуда, ба финал баромад. Вале ӯ дар қувваозмоии ниҳоӣ аз варзишгари Русия Владимир Самсонов, қаҳрамони 6-каратаи ҷаҳон, мағлуб гашт ва ҷои дуввумро касб кард.
Гулподшо Хайлобеков, мудири мактаби варзишии бачагону наврасони шаҳри Хоруғ, ягона варзишгаре буд, ки Тоҷикистонро дар ин мусобиқаи ҷаҳонӣ намояндагӣ кард.

Нарзуллоҳи Латиф

ОЗОДӢ

Изҳори назар

Пирӯзии дастаи Тоҷикистон бар Фаластин

Posted in Варзиш

Дастаи Тоҷикистон дар дуввумин бозии худ дар сабқати қаҳрамонии Осиё байни футболбозони то 19-сола дар Непал бар тими Фаластин бо ҳисоби 3: 0 пирӯз шуд.

Ин бозии даври дуввуми гурӯҳи «А» 27-уми октябр дар варзишгоҳи Ҳалчовки шаҳри Катманду баргузор шуд. Голҳоро Нуриддин Давронов (дақиқаи 10-ум), Шодибек Ғаффоров (60-ум) ва Шероз Абдуллоев (67-ум, пенолти) ба самар расонданд.
Мунтахаби наврасони Тоҷикистон таҳти раҳбарии сармураббӣ Салоҳиддин Ғафуров бо чунин ҳайат бозӣ кард: Саидҷон Саидраҳмонов, Шероз Абдуллоев, Аҳтам Назаров (Адиб Мародмамадов, 86), Сергей Абрамов, Расул Файзов, Шодибек Ғаффоров, Нуриддин Давронов, Фариз Аскаров (Умедҷон Шарипов, 81), Шавкати Ҳотам (Далер Раҷабов, 78), Наим Улмасов, Қурбоналӣ Собиров.

Дар бозии дигари ин гурӯҳ дастаи Непал бар тими Қирғизистон бо ҳисоби 2:1 ғалаба кард. Бозии дастаҳои Урдун ва Яман бо натиҷаи мусовии 2:2 хотима ёфт.
Бад-ин тартиб дар гурӯҳи «А» дастаи Тоҷикистон бо 6 имтиёз дар ҷои аввал мебошад. Дастаҳои Яман ва Урдун 4-имтиёзӣ доранд. Непал 3 имтиёз ба даст овардааст. Вале дастаҳои Қирғизистон ва Фаластин бидуни имтиёз дар ҷойҳои охирин қарор доранд.

Идома... Изҳори назар

Пирӯзии ҷавонони Тоҷикистон бар Қирғизистон

Posted in Варзиш

Дастаи мунтахаби ҷавонони Тоҷикистон дар нахустин бозии худ дар сабқати интихобии мусобиқаи қаҳрамонии Осиё байни футболбозони то 19-сола дар Непал бар тими Қирғизистон бо ҳисоби 4: 0 ғалаба кард.

Ин бозии даври аввали гурӯҳи «А» 25-уми октябр дар варзишгоҳи Дашрати шаҳри Катманду баргузор шуд. Голҳоро Қурбоналӣ Собиров (дақиқаи 24-ум), Фариз Аскаров (56-ум), Шавкати Ҳотам (63-юм) ва Шодибек Ғаффоров (72-юм) ба самар расонданд.
Мунтахаби наврасони Тоҷикистон таҳти раҳбарии сармураббӣ Салоҳиддин Ғафуров бо чунин ҳайат бозӣ кард: Шероз Абдуллоев, Аҳтам Назаров, Сергей Абрамов, Расул Файзов, Нуриддин Давронов (Ҷамолиддин Зардиев, 75), Фариз Аскаров (Руслан Раҳматов, 63), Саидҷон Саидраҳмонов, Шавкати Ҳотам, Наим Улмасов, Фирдавсӣ Қурбонов (Шодибек Ғаффоров, 25), Қурбоналӣ Собиров.

Дар ду бозии дигари ин гурӯҳ дастаи Урдун бар тими Фаластин бо ҳисоби 3:1 ва мунтахаби Яман бар тими мизбон – Непал - бо ҳисоби 3:0 ғалаба карданд.
Бад-ин тартиб дар гурӯҳи «В» дастаҳои Тоҷикистон ва Яман бо 3-имтиёзӣ пешсафанд. Аз рӯи таносуби беҳтари тӯбҳо Тоҷикистон дар ҷои аввал ва Яман дар ҷои дуввум қарор доранд.

Идома... Изҳори назар