Ахбори навтарини Тоҷикистон ва ҷаҳон

Духтарони Шаҳритус: Ҷустуҷӯйи "бахт" дар мазорҳо

Аз ҷониби Фирдавсии Нуралиён нигошта шуд | 23 Августи 2010

Мазорҳо ва мақбараҳои афроди мазҳабӣ ва маъруфи таърихӣ дар Тоҷикистон ба монанди ҳар кишваре дигар дар миёни мардум аз шӯҳрати зиёде бархурдоранд.

Ҳарчанд ин мавзеъҳо назди рӯҳониён бештар барои зиёрат ва ибрози эҳтиром ба шахсиятҳои мазҳабии гузашта аҳаммият доранд, аммо мардуми авом ва алоқамандони хурофот ба зиёрати ин мавзеъҳо бештар ба дунболи хостаҳои дигаре меоянд.

Ба бовари Санавбари Хайрулло, як сокини ноҳияи Шаҳритуси вилояти Хатлон, танҳо пас зиёрати мазорҳо ва шаҳидҳо "бахт ба рӯйи ӯ хандида" ва ӯ шавҳар ёфтааст.

Аксари солмандон ва духтарони маҳаллӣ дар ноҳияи Шаҳритус ба "бахткушо" будани мазорҳои бузургони дин ва ҷойи шуҳадои ноҳияи худ бовар доранд.

Аз назари духтарони ҷавон "бахт" бештар ба маънии "издивоҷ" ё зиндагии хонаводагӣ аст.

Идома... Изҳори назар

Ислом Аврупоро тасхир мекунад

Аз ҷониби Фирдавсии Нуралиён нигошта шуд | 06 Майи 2010

Маълум аст, ки бештари мардуми Аврупо пайравӣ аз адёни насронӣ яҳудӣ мекунанд. Қисмати дигарашон бошад, ҳеҷ як динеро қабул надоранд. Ин дар ҳолест, ки динҳои насронӣ ва яҳудӣ замоне болои кор буданду паёмбару пайрав доштаанд. Аммо баъди ба вуҷуд омадани Ислом Худованд пайравӣ кардан аз динҳои фавқуззикрро мамнӯъ донист. Зеро мувофиқи маълумоти сарчашмаҳои исломӣ, Худованд барои ҳама махлуқоти рӯи замин охирин қонун ва дину шариат Исломро ихтиёр кардаву барои роҳбарият ва сарварии ин дин Муҳаммад {саллаллоҳу алайҳи ва саллам} - ро интихоб намудааст

Зиёда аз ин дар ҳамаи китобҳо ва сарчашмаҳо башорати охирин паёмбар бо номи Аҳмад хабар дода шуда, амр карда шудааст, ки баъди омаданаш пайравӣ аз ӯ намоянд. Аммо бо вуҷуди ин хитоби Худованд ба бандагонаш дар дунё ҳастанд, касоне, ки на танҳо насрониву яҳудиянд, балки пайравӣ аз он динҳое мекунанд, ки қабл аз ба вуҷуд омадани адёни илоҳӣ онҳо вуҷуд доштанд. Аз ҷумла бутпарастӣ ҳоло ҳам мавриди истифода қарор дорад. Ин дар ҳолест, ки бутро инсон аз санг сохтаасту он қудрате надорад, то ҳоҷати дигарон бароварда созад. Ё ин ки парастиши муҷассамаҳои ҳайвонҳоро тамсил кунем. Воқеан, имрӯз пайравони чунин "дин" - ҳо вуҷуд доранд, аммо мутаассиф аз онам, ки ин парастиши онҳо ба ғайр гуноҳ самари дигарашон намедиҳад, вале...

Идома... Изҳори назар

Ҳалокати се шаҳрванди Тоҷикистон дар таркишҳои Маскав

Аз ҷониби Фирдавсии Нуралиён нигошта шуд | 30 Марти 2010

Сафорати Тоҷикистон дар Русия кушта шудани се шаҳрванди Тоҷикистон дар таркишҳои рӯзи 29-уми март дар метрои Маскавро тайид кардааст.

Шоҳини Самад, сухангӯи сафорати Тоҷикистон дар Маскав гуфт, ҳуввияти се шаҳрванди кушташудаи Тоҷикистон дар таркишҳои Маскав мушаххас шудааст.

Аз ҷумла, бар асри инфиҷорҳо Абдураҳмонов Умед Ҳасанович, соли таваллудашт 1986, сокини ноҳияи Вахш, Қаршиев Нодирбек Очилдиевич, соли таваллудашт 1986 ва Эшонов Исломҷон Камолович, соли таваллудаш 1985, ҳар ду сокини ноҳияи Турсунзода, кушта шудаанд.

Шоҳини Самад, сухангӯи сафорати Тоҷикистон дар Маскав бо тайиди ин хабар гуфт, ҳамчунин як шаҳрванди дигари Тоҷикистон, Назаров Ориё Ёсинович сокини шаҳри Душанбе, ки бар асари таркиш захмӣ шудааст, дар бемористон ба сар мебарад.

То кунун шахсияти бархе дигар аз кушташудагон ва маҷрӯҳони ҳодисаҳои рӯзи 29-уми марти метрои Маскав ношинохта боқӣ мондааст ва ба ин далел эҳтимоли дар миёни онҳо вуҷуд доштани шаҳрвандони дигари Тоҷикистон низ баъид дониста намешавад.

Идома... Изҳори назар

Таҷлил аз 1200-солагии Имом Бухорӣ дар Душанбе

Аз ҷониби Фирдавсии Нуралиён нигошта шуд | 13 Марти 2010

Дар ҳамоиши саросарӣ бахшида ба 1200 солагии Имом Бухорӣ, таъкид шуд, саҳеҳтарин ҳадисҳои Пайғамбари Ислом ҳадисҳое ҳастанд, ки дар «Саҳеҳ»-и Имом Бухорӣ тадвин ва ба ҷахониён пешкаш шудаанд.

Абдулвоҳид Шамолов, роҳбари Пажӯҳишгоҳи фалсафаи Фарҳангистони улуми кишвар бо ишора ба таълифи саҳеҳи ҳадисҳои пайғамбари Ислом ҳаёт ва фаъолияти Имом Ал - Бухориро намунаи боризи сарсупурдагии як фарди мусулмон унвон кард. Донишманди тоҷик гуфт, Имом Бухорӣ дар овони наврасӣ 70 ҳазор ҳадис медонист, ки шаҳодати ҳофизаи фавқулодаи ӯ мебошад. Ба қавли Шамолов ҳиҷрати хонаводаи Имом ба Маккаву Мадина, дар ҳаёти ӯ саҳми бузург доштааст.

Таъкид шуд, ки ҳадисҳои Пайғамбари ислом дар баробари «Қуръон» аз масдарҳои аслии Ислом маҳсуб мешавад. Имом Ал-Бухорӣ ҳадисҳои саҳеҳу дурустро аз миёни нақлу ривоёти саҳобаҳо ва тобеъин бар асоси тарзу усули хос ҷудо сохта ва аҳодисро аз ривоятҳои сохтаю таққалубӣ пок кардааст. Ва ҳадисҳоро бо такя ба се нафар саҳоба гирдоварӣ намуда ва манбаҳои комилро истифода кардааст.

Маҳмадшо Илолов, раиси Фарҳангистони улуми Тоҷикистон, зимни суханронӣ дар ин кунфронс китоби «Саҳеҳи Бухорӣ»-ро пас аз «Қуръон»-и маҷид аз мӯътабартарин китоб дар бахши фиқҳи исломӣ хонд.

Идома... Изҳори назар

Даргузашти Шайхи Азҳар дар Риёз

Аз ҷониби Фирдавсии Нуралиён нигошта шуд | 10 Марти 2010

Рӯзи чоршанбе, 10-уми марти соли 2010 Телевизиони Миср таъкид кард, ки Шайхи Азҳар Доктор Муҳаммад Саййиди Тантовӣ дар пойтахти Арабистони Саъудӣ дар асари сактаи ногаҳонии дил аз ҷаҳон даргузашт. Шайхи Азҳар дирӯз, яъне рӯзи сешанбе (09/03/2010) барои ширкат варзидан дар базми ҷоизаи ҷаҳонии Шоҳ Файсал барои хидмати Ислом ба Арабистони Саъудӣ расида буд. Бегоҳии ҳамон рӯз Доктор Тантовӣ ба сактаи дил дучор шуд, онгоҳ барои муолиҷа ӯро ба бемористони нерӯҳои мусаллаҳи Риёз интиқол доданд, вале субҳдами рӯзи чоршанбе ин дунёи фониро падруд гуфт...

Вакили Шайхи Азҳар Маҳмуд Ошур дар суҳбати телефонӣ бо қаноти "Ал-Арабия" гуфт, ки пеш аз сафар ба Риёз Шайхи Азҳар аз ҳеҷ беморие ё бетобие шиква надошт...

Ҳамчунин, дар хусуси дафни Шайхи Азҳар изҳор дошт, ки фарзанди Шайхи Азҳар ба ӯ иброз дошта аст, ки ҷуссаи Муҳаммад Саййиди Тантовӣ дар гӯристони Бақеъи Мадинаи Мунаввара ба хок супурда хоҳад шуд.

Муҳаммад Саййиди Тантовӣ 28-уми октабри соли 1928-и милодӣ

Идома... Изҳори назар