Қазоёи муосири ҷаҳон ва олами исломӣ

Нақли аъзо аз манзури фиқҳи исломӣ

Аз ҷониби Фирдавсии Нуралиён нигошта шуд | 05 Сентябри 2010

Инсон мукаррамтарин махлуқи худованд мебошад. Ислом барои муҳофаза кардани каромати инсон эҳтимоми калон медиҳад. Барои ҳамин худованди карим душманию зулм карданро байни бандагонаш ҳаром гардондааст. Барои шахсоне, ки ба каромати инсон таҷовуз мекунанд қасосу ҳад ва дигар хел иқобҳоро ҷорӣ кардааст. Ислом инсонро нафақат дар ҳаёташ каромат мекунад балки баъди вафоташ ҳурмату кароматашро ҳифз мекунад. Инчунин ислом инсонро аз доираи хариду фурӯш хориҷ сохтааст ва ба он шахсоне, ки инсони ҳурро мефурӯшанд ваъиди сахтро муҳаддад намудааст.

Лекин пешравии илм дар соҳаи тиб исбот кард, ки инсон метавонад аз узви дигар инсон истифода барад. Аввалини ин истифодабари дар ҷанги дуввуми ҷаҳонӣ бо нақли хун шуда то ин дам бо нақл кардани аъзои инсон ба дигар инсон дар маҷоли тиб татбиқ шуда истодааст.
Оё нақли узви инсон ба дигар шахс зидди каромат аст?

Дар ин бора мо метавонем дар чаҳор нуқта сухан бикунем.

Идома... Изҳори назар

Сангҳои қимати Бадахшон, дар интизори муштариён

Аз ҷониби Фирдавсии Нуралиён нигошта шуд | 23 Августи 2010

Баррасиҳои заминшиносӣ собит карда, ки дар атрофи кӯҳистони Бадахшони Тоҷикистон беш аз 80 навъи сангҳои гаронбаҳо вуҷуд дорад.

Мушкилоти молии баҳрабардорӣ аз ин сангҳо ва таваҷҷӯҳи нокофии сармоядорони дохилӣ ва хориҷӣ ба ин арса боъис шуда, то сангҳои гаронбаҳои Бадахшон то ҳол дар қалби кӯҳҳои ин мантақа нуҳуфта бимонанд.

Дар солҳои ахир бахши хусусӣ дар Бадахшон ва баъзе созмонҳои байналмилалӣ барои роҳандозии корхонаҳои тавлиди ҷавоҳирот ва фурӯши онҳо талош мекунанд.

Муҷассамаи Носири Хисрав, шоъир ва файласуфи порсизабонро, ки дар деҳаи Поршневи ноҳияи Шуғнони Бадахшон се сол пеш гузоштанд, аз санги мармари бадахшонӣ сохта шудаааст.

Ин муҷассама ба хотири бузургдошти шахсияти Носири Хисрав, ки солҳои поёнии умрашро дар дараи Юмгони Бадахшон гузаронда,

Идома... Изҳори назар

Таъсири муҳоҷират ба садоқат ва хиёнат дар хонаводаҳо

Аз ҷониби Фирдавсии Нуралиён нигошта шуд | 21 Августи 2010

Муҳоҷирати корӣ, ки шеваи зиндагӣ дар хонаводаҳои тоҷикро дар тӯли як даҳсолаи гузашта, тағйир додааст, ба мафҳуми вафодорӣ ва ё хиёнат беасар намондааст. Таҳқиқоти мухталиф нишон додааст, ки бисёре аз ҳамсарони муҳоҷирони корӣ, ба иртиботҳои ғайришаръии шавҳарони муҳоҷири худ, аз пушти панҷа менигаранд.

Санавбари 28-сола ва сокини Душанбе, ки як фарзанд дорад, ба Радиои Озодӣ гуфт, ҳеҷ гоҳ чунин рафтори шавҳарашро таҳаммул нахоҳад кард:
«Мисол дар он ҷо хонавода ташкил карда бошад, зиндагӣ ташкил карда бошад ва агар дар чашми ман хок мепошад, ман намебахшам. Ман мегӯям, ки ҷудо мешавам, ман таҳсилдидаам ва як фарзанд дорам, ман худам ӯро ба воя мерасонам, мехононам, шумо ба ман даркор нестед, ҷавоби маро диҳед, шумо он тараф ва ман тарафи дигар».
Аммо агар шавҳараш иртибот бо хонаводаро нигаҳ дорад ва дар ҳаққи ӯ ғамхорӣ кунад, бо вуҷуди он сахтгирӣ, Санавбар аз гуноҳи шавҳараш мегузарад ва бевафоии муваққатии ӯро нодида

Идома... Изҳори назар

Домулло Муҳаммадии Қумсангирӣ: Моҳро дидед, рӯза бигиред!

Аз ҷониби Фирдавсии Нуралиён нигошта шуд | 21 Августи 2010

Домулло Муҳаммадӣ ибни Саид Аҳмади Эшонҷон ё худ Домулло Муҳаммадии Қумсангирӣ аз зумраи он нухбагони олами ислом дар Тоҷикистон аст, ки таълими ибтидоии диниро дар назди қиблагоҳи худ Домулло Саид Аҳмад гирифта, баъдан барои такмили донишу малака дар назди донишмандони маъруфи динии Тоҷикистон Домулло Саидҷалол, Домулло Назрӣ ва Домулло Абдурашид «Мухтасар», «Шарҳ-ул-виқоя», «Ҳидоя», «Наҳв»-у «Усули маонӣ», «Ақида», «Аҳодису тафсир»-ро аз бар намудааст.

Имрӯз даҳҳо нафар аз уламо ва пешвоёни маҳаллии динии кишвар, имом хатибону дигар толибони илми Қуръон шогирдони Домулло Муҳаммадӣ мебошанд. Дар доираҳои динии кишвар Домулло Муҳаммадиро аз донишмандони саршиноси дин дар ҷануби Тоҷикистон ном мебаранд. «Миллат» дар остонаи моҳи шарифи Рамазон сӯҳбати ихтисосиро бо Домулло Муҳаммадӣ анҷом додааст, ки пешкаши хонандаи рӯзадор мегардад.

ШӮРАВИИ БЕДИН ВА ТОҶИКОН

Идома... Изҳори назар

Рамазон ва пойтахти фарҳанги исломӣ

Аз ҷониби Фирдавсии Нуралиён нигошта шуд | 16 Августи 2010

Ё то кай аз Қуръон мегурезем?

РАМАЗОН

Рамазон моҳи нуҳум дар солшумории ҳиҷрии қамарӣ мебошад. Рамазон дар миёни моҳҳои дигар бо он фарқ мекунад, ки мусулмонон дар рӯзҳои он рӯза мегиранд. Аз дамидани субҳи содиқ то ғуруби офтоб наменӯшанд, намехӯранд, бо ҳамсарони хеш наздикии ҷинсӣ намекунанд ва дар умум аз чизҳое, ки рӯзаро ботил мекунанд, худдорӣ менамоянд.

МОҲИ РӮЗАДОРӢ ВА БОТАҚВО ШУДАН

Дар моҳи рамазон рӯза гирифтан барои мусулмонон фарзи айн аст. Яъне мусулмон дар моҳ, ки 30 рӯз дорад, бояд рӯза бигирад. Ҳукми он дар Қуръони карим, дар оёти 182 то 187-и сураи "Бақара" омадааст:

"Ай касоне, ки имон овардаед! Рӯза бар шумо воҷиб шуда, ҳамонтавр, ки бар ақвоми қабл аз шумо воҷиб шуда буд, шояд ботақво шавед".

Идома... Изҳори назар