«Петух запевал», Саддом Ҳусейн имом шуд ё Симпозиуми байналмилалӣ ва тарҷумонҳои сатҳи маҳаллӣ

Posted in Забони тоҷикӣ - Забони тоҷикӣ

СИМПОЗИУМИ БЕСОБИҚА ВА ШИНОХТИ ВОҚЕИИ МИЛЛАТИ ТОҶИК

Дар рӯзҳои баргузории Симпозиуми байналмилалии "Мероси Имоми Аъзам ва аҳамияти он дар муколамаи тамаддунҳо", Душанбешаҳр мизбони беш аз 500 нафар аз донишмандону чеҳраҳои саршиноси ҷаҳони Ислом гардид. Бешубҳа, ин сарбаландӣ барои миллати тоҷик ва ин сарзамин, ки меҳмонони гиромӣ низ муқаддасу муборакаш хонданд, бо ибтикори Президенти кишвар Эмомалӣ Раҳмон ва баракати Соли бузургдошти Имоми Аъзам насиб гашт. Дар воқеъ, дар рӯзҳои мубораки баргузории Симпозиум васоити ахбори умуми кишвар, ба хусус шабакаи аввали телевизиони ҷумҳурӣ бисёр фаол буданд ва тавонистанд, ки мубоҳасаҳои саривақтӣ ва барномаҳои ҷолибро барои тамошобинон пешкаш кунанд.

Дар умум, Симпозиум ба таври бесобиқа баргузор гардид ва боиси он гардид, ки тоҷикон ва Тоҷикистон аз нав шинохта шаванд ва иншоаллоҳ, меҳмононе ки дар он ширкат карданд, пас аз бозгашт тоҷиконро ҳамчун мардуми бофарҳанг ва Тоҷикистонро ҳамчун сарзамини муқаддас муаррифӣ хоҳанд кард.

Намози бомдод - садди роҳи пайдоиши бемории саратон

Posted in Фиқҳ - Намоз

Намозу рӯза доштан ва соири ибодатҳои исломӣ судҳои фаровони дунявӣ ва ухравӣ доранд, хоссатан, агар адои онҳо дар фазои рӯҳонӣ, бо ихлос ва ҳузури қалбу сафои зеҳнӣ ва риояти комили аҳкоми шаръӣ қарин бошад.

Бар асоси пажӯҳишҳое, ки аз тарафи маркази пажӯҳишҳои миллии Қоҳира анҷом ёфтаанд, хондани намози бомдод дар вақти муқарарашудаи он, кори ҳуҷайраҳои баданро фаъол месозад ва онҳоро аз тақсимоти номарғуб нигаҳ медорад ва аз ибтило шудан ба варамҳои саратонӣ, бемориҳои қалбӣ, монанди ҳамлаҳои қалбӣ (инфаркти миокард) ҷилавгирӣ менамояд ва кори ҳормонҳои бадан ва гардиши хунро ба танзим медарорад.

Доктор Муҳаммад Ал-Хашшоб (محمد الخشاب) устоди шуъбаи дастгоҳи гувориш ва ҷигари донишкадаи тибби донишгоҳи Зақозиқ (Миср) ба ин мавзӯъ ишора мекунад, ки бедор шудан барои намози бомдод, кори соати биологии баданро беҳ месозад ва дастгоҳҳои гуногуни ҷисмро водор месозад, ки ба беҳтарин ваҷҳ вазифаҳои худро анҷом диҳанд.

Аммо доктор Самир Ал-Мулло (سميرالملا) устоди шуъбаи кордпизишкии мағз ва аъсоби донишкадаи тиббии донишгоҳи Айну Шамс (Миср) тавзеҳ медиҳад, ки дар вақти намози бомдод, таровидани тамоми ҳормонҳои ҷисм афзоиш меёбад, ба вижа таровиши ҳормони кортизон (cortisone), ки ба сабаби аҳаммияти бузургаш дар бадан, онро «ҳормони ҳаёт» низ меноманд.

Вокунишҳо дар баробари фатвои Азҳар дар бораи ниқоб

Posted in Ахбор - Ахбор

Баъди дидани яке аз дабиристонҳои азҳарии Қоҳира (донишкадаи ба номи Аҳмади Либӣ, воқеъ дар шаҳраки Мадинати Наср) Имоми Акбар Шайхи Азҳар Муҳаммад Саййиди Тантовӣ тасмим гирифт, то барои манъи пӯшидани ниқоб қароре содир кунад, ки тибқи он пӯшидани ниқобро [1] дар синфхонаҳо дар назди омӯзгорзанон наҳй кунад. Дар ин боздид, Шайхи Азҳар дар байни ҳама духтаракони донишомӯзи ҳиҷобвар [2] як духтаракро ниқобпӯш мебинад ва аз ӯ бо исрор дархост мекунад, ки ниқобашро бардорад, зеро ӯ дар ҳузури ҳамсинфдухтарон ва зани омӯзгор қарор дорад ва ҳоҷате ба ниқоб ва пӯшидани рӯ нест. Ҳамчунин ин духтаракро мавриди истеҳзо қарор медиҳад, ки агар андаке зебо, ё хӯшрӯйтар мебудӣ чӣ мекардӣ? Чун духтарак аз бардоштани ниқоб имтиноъ меварзад ва мегӯяд, ки ниқобпӯшии тибқи шариати Ислом аст, Шайхи Азҳар хашмолудона посух медиҳад, ки ман динро аз ту ва аз касоне ки туро ба дунё овардаанд, беҳтар медонам...  

Ғайр аз ин, ӯ зимни баъзе тасриҳоти худ гуфт, ки ниқоб дар шариати исломӣ асле надорад ва ҷуз оддате беш нест. Ин суханони Шайхи Азҳар ва қарори содиркардаи муассисаи Азҳар бо амри ӯ сабаби хашму ғазаби табақаҳои гуногуни мисриёнро ба ҷӯш овард ва сабаби ҳамлаи васеи интиқодӣ дар васоили эълом ва телевизюну кӯчаву бозор гашта аст, ки ҳамагонӣ ин қарорро бо шиддат маҳкум менамоянд. Талабҳои муътаризони қарори Тантовӣ гуногунанд, яке талабгори истеъфои ӯст ва дигаре хостори эътизори ӯ аз духтари донишомӯзи ҷабрдида.

Дуои пардохтани вом (қарз)

Posted in Ганҷинаи зикр - Ганҷинаи зикр

 Дуои пардохтани вом (қарз)

عَنْ أَنَسِ بْنِ مَالَكٍ رَضِيَ اللَّهُ عَنْهُ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ لِمُعَاذٍ أَلَا أُعَلِّمُكَ دُعَاءً تَدْعُو بِهِ، لَوْ كَانَ عَلَيْكَ مِثْلُ جَبَلِ أُحُدٍ دَيْنًا لَأَدَّاهُ اللَّهُ عَنْكَ، قُلْ يَا مُعَاذُ:اللَّهُمَّ مَالَكَ الْمُلْكِ تُؤْتِي الْمُلْكَ مَنْ تَشَاءُ وَتَنْزِعُ الْمُلْكَ مِمَّنْ تَشَاءُ وَتُعِزُّ مَنْ تَشَاءُ وَتُذِلُّ مَنْ تَشَاءُ بِيَدِكَ الْخَيْرُ إِنَّكَ عَلَى كُلِّ شَيْءٍ قَدِيرٌ، رَحْمَنَ الدُنْيَا وَالْآخِرَةِ وَرَحِيمَهُمَا، تُعْطيِهُمَا مَنْ تَشَاءُ وَتَمْنَعُ مِنْهُمَا مَنْ تَشَاءُ، ارْحَمْنيِ رَحْمَةً تُغْنيِنيِ بِهَا عَنْ رَحْمَةِ مَنْ سِوَاكَ[1]

ТАРҶУМАИ ҲАДИС:

Аз Анас ибни Молик разияллоҳу анҳу ривоят аст, ки Расули Худо саллаллоҳу алайҳи ва саллам ба Муоз гуфт: Эй Муоз, оё туро дуое биёмӯзонам, ки чун бо он дуо кунӣ, агар монанди кӯҳи Уҳуд бар ту вом (қарз) бошад, Худои таоло яқинан, онро аз ту хоҳад пардохт:

اللَّهُمَّ مَالَكَ الْمُلْكِ تُؤْتِي الْمُلْكَ مَنْ تَشَاءُ وَتَنْزِعُ الْمُلْكَ مِمَّنْ تَشَاءُ وَتُعِزُّ مَنْ تَشَاءُ وَتُذِلُّ مَنْ تَشَاءُ بِيَدِكَ الْخَيْرُ إِنَّكَ عَلَى كُلِّ شَيْءٍ قَدِيرٌ، رَحْمَنَ الدُنْيَا وَالْآخِرَةِ وَرَحِيمَهُمَا تُعْطيِهُمَا مَنْ تَشَاءُ وَتَمْنَعُ مِنْهُمَا مَنْ تَشَاءُ، ارْحَمْنيِ رَحْمَةً تُغْنيِنيِ بِهَا عَنْ رَحْمَةِ مَنْ سِوَاكَ